Atyraýlyq bas ımam muqtaj otbasyǵa páter kiltin tapsyrdy
ATYRAÝ. QazAqparat - Qazaqstan musylmandary dinı basqarmasynyń Atyraý oblysy boıynsha ókil ımamy Batyrjan qajy Mansurov Inder aýdanyna sapar aıasynda asyraýshysynan aırylǵan muqtaj otbasyna páter kiltin tabys etti, dep habarlaıdy QazAqparat.
Baspana kiltin tapsyryp turyp, Bas ımam Batyrjan qajy Berdenuly musylmannyń musylmanǵa baýyr ekendigin, ár qaıyrymdy istiń artynda saýap jatqanyn atap ótti.
Osydan eki aı buryn Atyraý oblysynyń Bas ımamy Batyrjan qajy Mansurovtyń bastamasymen Inder aýdandyq Áıip qajy meshiti muqtaj otbasyna baspana alý maqsatynda qarjy jınaı bastaǵan bolatyn. Eki aı ishinde tıisti soma jınalyp, meshit jamaǵatynyń jáne Inder halqynyń qoldaýymen muqtaj otbasyǵa eki bólmeli páter syıǵa tartyldy.
Jubaıynan aırylǵan Nurgúl Nurseıitova bes balanyń anasy.
«Atyraý oblysynyń Bas ımamy Batyrjan Mansurovqa, Áıip qajy Inder aýdandyq meshitine, jergilikti jamaǵatqa, aýyldastaryma Alla razy bolsyn. Balalarym óz úıimizdiń bar ekenine áli sene almaı, qýanyp júr», - deıdi kóp balaly ana Nurgúl Nurseıitova.
