Atyraýlyq balýan jaǵajaıdaǵy sambodan álem chempıony atandy

ATYRAÝ. QazAqparat – Atyraýlyq balýan Aıbynbaı Qaıyrberdi jaǵajaıdaǵy sambodan álem chempıony atandy. Taǵy bir sportshy qola júldege ıe boldy, dep habarlaıdy QazAqparat tilshisi.

Atyraý oblystyq dene shynyqtyrý jáne sport basqarmasy baspasóz qyzmetiniń aqparatyna qaraǵanda, jaǵajaıdaǵy álem chempıonaty Izraılde ótken.

«Izraıl eliniń Bat-ıAme qalasynda 27-28 tamyz kúnderi jaǵajaıdaǵy sambodan erler men áıelder arasynda álem chempıonatynyń jalaýy jelbiredi. Bul chempıonatta álemniń 24 elinen qatysqan balýandar baq synady. Qazaq eliniń namysyn qorǵaǵan atyraýlyq samboshy Aıdynbaı Qaıyrgeldi 58 keli salmaqta synǵa tústi. Sporttyq baby kelisip, baǵy janǵan qazaq balýany Reseı, Rýmynııa, Marokko elderiniń sportshylaryn aıqyn basymdyqpen jeńdi. Sóıtip, ol jaǵajaıdaǵy sambodan álem chempıony ataǵyna ıe boldy», - dep málim etti basqarmanyń baspasóz qyzmetinen.

Sondaı-aq, atalǵan chempıonatta taǵy bir atyraýlyq sportshy júldeger atandy. Ol – 71 keli salmaqta baq synaǵan Jumabaı Parasat. Іrikteý kezeńinde ol frantsýz jáne tájik sportshylaryn utqan edi.

Alaıda, jartylaı fınalda Reseı Federatsııasynan qatysqan sportshynyń basymdyǵy baıqaldy. Al, qola medal úshin bolǵan tartysty beldesýde ózbek samboshysynan basym tústi. Osylaısha, Jumabaı Parasat jaǵajaıdaǵy sambodan álem chempıonatynyń qola júldegeri atandy.

Eske sala ketelik, buǵan deıin Azııa chempıonatynyń eki dúrkin kúmis júldegeri dzıýdoǵa aýysqanyn habarlaǵan bolatynbyz.