Atyraýlyq balýan sambodan Tatarstan Prezıdenti kýbogynyń ıegeri atandy
ATYRAÝ. QazAqparat – Atyraýlyq balýan sambodan Tatarstan Prezıdenti kýbogynyń jeńimpazy atandy, dep habarlaıdy QazAqparat.
Oblystyq sport jáne dene shynyqtyrý basqarmasy baspasóz qyzmetiniń aqparatyna qaraǵanda, 2-3 qazanda RF Qazan qalasynda sambo kúresinen «A»
sanatyndaǵy halyqaralyq týrnır ótken.
«Bul halyqaralyq dodada balýandar sambodan Tatarstan Prezıdentiniń Kýbogy úshin baq
synady. Bıyl týrnırge 16 elden 200-den astam sportshy qatysty. Onyń ishinde Atyraý
oblysynan synǵa túsken samboshylar 1 altyn, 3 kúmis júldege ıe boldy. Máselen, sporttyq sambodan 58 kelide kúresken Qaıyrberdi Aıdynbaı Tatarstan Prezıdenti kýbogynyń ıegeri atandy. Al, Parasat Jumabaı 64 kelide kúmis júldege ıe boldy. Sondaı-
aq, atalǵan dodada jaýyngerlik sambodan Erkebulan Qýanǵalıev (58 keli) pen Aıbek
Ábdilov (64 keli) aqtyq synǵa deıin jetip, kúmis júldeni enshiledi», -dep habarlady
basqarmanyń baspasóz qyzmeti.
Eske sala ketelik, buǵan deıin atyraýlyq balýan sambodan álem kýbogynyń ıegeri
atanǵanyn habarlaǵan bolatynbyz.
