Atyraýlyq balýan Azııa chempıonatynda qola júldeger atandy
ATYRAÝ. QazAqparat - Atyraýlyq balýan Qaharman Kısmetov grek-rım kúresinen 23 jasqa deıingi eresekter arasynda Azııa chempıonatynyń qola júldegeri atandy, dep habarlaıdy QazAqparat.
Mońǵolııa astanasy Ulan-Batyrda ótip jatqan qurlyq dodasynda jerlesimiz 77 keli salmaqta synǵa tústi.
Oblystyq sport basqarmasynyń baspasóz hatshysy Іlııas Shaıhıevtiń aıtýynsha, Qaharman alǵashqy kezdesýinde qyrǵyz balýanynan basym tústi. Keıin úndistandyq sportshyny utty. Úshinshi beldesýde jarys qojaıynyn qapy qaldyrsa, tek Iran balýanyna ese jiberip alǵan.
Aıta ketý kerek, Qaharman buǵan deıin Azııa chempıonatynda jeńis tuǵyrynan kóringen bolatyn. Endigi maqsaty - álem chempıonatynyń shyńyn baǵyndyrý.
