Atyraýlyq balýan álem kýboginiń ıegeri atandy
ATYRAÝ. QazAqparat – Atyraýlyq balýan álem kýbogynda qarsylastaryn utyp, jeńimpaz atandy, dep habarlaıdy QazAqparat.
Oblystyq sport jáne dene shynyqtyrý basqarmasynyń baspasóz qyzmetinen málim etkendeı, Rýmynııanyń Konstantsa qalasynda qazaq kúresinen álem kýbogi ótken.
«Álem kýbogi úshin dodada balýan Naýryzbek Maılashev 74 keli salmaqta baq synady. Ol aldymen Moldova jáne Rýmynııa sportshylaryn utty. Jartylaı fınalda qazaqstandyq balýannan basym tústi. Al, aqtyq synda Rýmynııa balýanyn qapy qaldyryp, álem kýboginiń ıegeri atandy» -dep habarlady basqarmanyń baspasóz qyzmeti.
Naýryzbek Maılashev álem kýbogindegi jeńisi arqyly «Halyqaralyq dárejedegi sport sheberi» normasyn oryndady.
Eske sala ketelik, buǵan deıin atyraýlyq dzıýdoshy Eýropa kýbogynda jeńimpaz atanǵanyn habarlaǵan bolatynbyz.
