Atyraýlyq azamat ómir boıyna kólik júrgizý quqyǵynan aıryldy
ATYRAÝ. QazAqparat –Atyraýlyq azamat kólik basqarý quqyǵynan ómir boıyna aıyryldy, dep habarlaıdy QazAqparat.
Oblystyq sottyń baspasóz qyzmetiniń málimetine súıensek, buǵan deıin de jazaǵa tartylǵan azamattyń kólik júrgizý quqyǵy úsh merzimge shektelgen. Alaıda, ol bul jazadan keıin de sabaq almaı, taǵy zań buzdy.
«Atyraý qalasynyń №2 sotynda QR Qylmystyq kodeksiniń 346-baby, 1-bóliginde kózdelgen qylmystyq quqyq buzýshylyqty jasaǵan T.-ǵa qatysty is qylmystyq zańnamaǵa engen jańa ózgeristerge sáıkes qaraldy. Sotta anyqtalǵandaı, sottalýshy T. úsh jyl merzimge kólik quralyn basqarý quqyǵynan aıyryla tura, 2020 jyldyń qańtar aıynda Atyraý qalasynda alkogoldik masań kúıde ákesiniń avtokóligin basqarǵan.
Ol sot úkimimen kináli dep tanylyp, kólik quralyn basqarý quqyǵynan ómir boıyna aıyryldy, sondaı-aq 1 jyl merzimge bas bostandyǵyn shekteý jazasy taǵaıyndaldy», - dep habarlady oblystyq sottan.
