Atyraýlyq aýlasynan dala búrkitiniń balapanyn taýyp aldy
ATYRAÝ. QazAqparat - Atyraý qalasynyń turǵyny óziniń aýlasynda dala búrkitiniń balapananyn taýyp aldy, dep habarlaıdy QazAqparat tilshisi.
Jyrtqysh qustyń balapany «Aq Jaıyq» memlekettik tabıǵı qoryǵynyń qyzmetkerlerine tapsyrylady. Bul týraly Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasy bóliminiń aǵa mamany Oleg Týshkanov aıtty.
«Bizdiń aýmaqtyq ınspektsııaǵa «Leshoz» shaǵyn aýdanynda turatyn Rýfat Ǵumarov esimdi azamat habarlasty. Ol óziniń úıiniń aýlasynda búrkitke uqsaıtyn jyrtqysh qusty tapqan. Qus ózdiginen ushyp kete almaǵan. Óıtkeni onyń qanattary zaqymdalǵan», - dedi Oleg Týshkanov.
Bul dala qyrany joıylyp bara jatqandyqtan, Qyzyl kitapqa engizilgen. Dala qyrandary tabıǵı ortada 10-28 jyldaı ómir súredi. Tabylǵan qus - 4-5 aılyq balapan.
«Qoryqtyń qyzmetkerleri kórsetilgen meken-jaıǵa dereý baryp, búrkittiń balapanyn muqııat qorapqa salyp, ortalyqqa ákeldi. Bizdiń mamandar bul aqquıryqty qyran ekenin anyqtady. Zertteý kezinde aýrýdyń nemese jaraqattardyń aıqyn belgileri tabylmady», - deıdi O.Týshkanov.
