Atyraýlyq ártister Ispanııada ótken festıvalde bas júlde aldy

ATYRAÝ. QazAqparat – Atyraýlyq ártister Ispanııada ótken festıvalde bas júlde aldy, dep habarlaıdy QazAqparat. 

«Onnan astam eldiń ártisteri qatysqan Ispanııanyń Loret de Mar qalasynda ótken «Theatrical Talents», halyqaralyq festıvalinde atyraýlyq jastar teatry Muqan Tomanovtyń «Qarańǵy» antıdramasyn qoıdy. Qoıylym qazaq tilinde kórsetildi. Quramyna kásibı mýzykanttar men horeograftar, prodıýserler men sýretshiler kirgen ádilqazylardyń sheshimimen qazaqstandyq ujym bas júldege ıe boldy», – dedi teatr basshysy Ámirjan Nurlanuly.

Sondaı-aq ádilqazylar tóraǵasy Martı Perafefer atyraýlyq ártisterdi «FITAG-2020» festıvaline qatysýǵa shaqyrdy, al «Fıestalonııa Mılenıo» uıymynyń prezıdenti Davıd Djaparıdze olarǵa Italıda, Frantsııada, Grýzııada ótetin festıvalderge qatysýǵa usynys tastady.

Avtory: A.Sokolov