Atyraýlyq agrarshylar 2 myń tonna dızel otynyn alady
ATYRAÝ. QazAqparat - Atyraýlyq agrarshylar kóktemgi egis naýqanyn ótkizýge 2 myń tonna dızel otynyn jeńildik baǵamen alady, dep habarlady QazAqparat tilshisine oblystyq ákimdiktiń baspasóz qyzmetinen.
«Baıqaý ótkizilip, sonyń barysynda jergilikti agrarshylarǵa janar-jaǵarmaıdyń jetkizilýin qamtamasyz etetin operator kompanııa anyqtaldy. Eger sharýalar dızel otynyn qoımadan ózderi alyp ketse, arzandatylǵan janar-jaǵarmaıdyń bir tonnasynyń baǵasy 82 myń teńge nemese bir lıtriniń baǵasy 69 teńge bolady. Al egistikke jetkizilgen jaǵdaıda, janar-jaǵarmaıdyń bir lıtri 72 teńgeden satylmaq. Qazirgi ýaqytta kólikke janarmaı quıý stansalarynda dızel otynynyń baǵasy bir lıtr úshin 99 teńgeni qurap otyr», - dep habarlady baspasóz qyzmetinen.
