Atyraýlyq 9 jasar qyz ekinshi márte álem modeli atandy
Márııam Ishanǵalıeva Qurmanǵazy aýdanyndaǵy Kóptoǵaı aýylynda turady. Bıyl toǵyz jasqa tolyp, 3-synypty bitirgen. Byltyr da «Álem modeli-2021» baıqaýyna qatysyp, jeńimpaz atanǵan edi.
Atalǵan halyqaralyq talanttar men sulýlyq baıqaýy Reseı Federatsııasyndaǵy Sochı qalasynda ótti. Baıqaýǵa álem elderinen 100-den astam úmitker qatysty.
Qazaqstannan qatysqan Márııam Ishanǵalıeva birinshi orynǵa qosa «Álemdik model-2022» tıtýlyn jeńip aldy. Jeńimpaz qazaqstandyqqa «Jer sharynyń sulýy-2022» baıqaýyna shaqyrý tabystaldy. Bul baıqaý tamyz aıynda Máskeýde ótedi.
«Marııam qatysýshylardyń kóptigin kórgende, biraz ýaıymdady. Sebebi, óz elindegi eń myqty modelder keldi ǵoı. Bıyl Márııam qazaqtyń ulttyq kıimimen sahnaǵa shyqty, Ulttyq kıim Márııanyń baǵyn jandyrdy. Qazylar alqasynyń músheleri de, fotograftar Marııamnyń ózine senimdi bolǵanyn atap ótti», -dıdi Araılym Qarabalaeva.
Baıqaý 4 kezeńmen ótken. Sonyń bárinde de Márııam joǵary ball alǵan.
Endi Marııam Ishanǵalıeva qyrkúıekte Túrkııada ótetin sán aptalyǵyna shaqyrtý aldy. Al, qazan aıynda Dýbaıǵa osyndaı osyndaı aptalyqqa barady.
«Kishkentaı kezinen bıge áýes boldy. Keıin jarnamalyq rolıkterge tústi. Biraq, mekteptegi sabaq úlgerimin tómendetken joq. Jyl saıyn úzdikter qatarynan kórinip júr», -deıdi anasy.
Eske sala ketelik, budan buryn Atyraýlyq 8 jasar qyz álemniń sýpermodeli atanǵanyn jazǵan bolatynbyz.
