Atyraýlyq 21 jastaǵy boıjetken jigitinen 2 mln teńge bopsalaǵan
ATYRAÝ. QazAqparat – Atyraýda 21 jastaǵy boıjetken jigitinen 2 mln teńge bopsalaǵan, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, polıtsııaǵa 18 jastaǵy jigitten bopsalaý deregine qatysty shaǵym túsken.
«Atyraý qalasynda 21 jastaǵy boıjetken birneshe ret ózinen eki jas kishi azamattan aqsha bopsalaǵan. Boıjetken jigitten 2 mln teńge alǵan. Keıin odan 1 mln 540
myń teńge talap etken. Osydan keıin 18 jastaǵy jigit polıtsııaǵa habarlasyp, kómek suraǵan. Aıtýynsha, azamatsha ony «zorlaý» deregimen ústińnen qylmystyq is
qozǵatamyn dep qorqytyp kelgen. Alaıda jas jigit jynystyq qatynas eki jaqty kelisimmen boldy dep aqtaldy. Ekeýi áriptes bolǵan. Ol ózin bopsalaý jolymen aqsha talap etip júrgen boıjetkendi Shymkent qalasynda turatyn ata-anasymen tanystyrǵan», -dep habarlady departamenttiń baspasóz qyzmeti.
Ekstremızmge qarsy is-qımyl basqarmasynyń qyzmetkerleri kúdikti boıjetkendi shymkenttik azamattan 500 myń teńge kóleminde qorqytyp aqsha alyp jatqan kezinde ustady. Tekserý kezinde azamatshanyń destrýktıvti dinı aǵym ókili ekendigi anyqtaldy.
Qazir 2000 jyly týǵan boıjetkenge qatysty Qylmystyq Kodeksiniń 194-babynyń 1- bóligimen sotqa deıingi tergeý júrip jatyr.
Eske sala ketelik, budan buryn Atyraýda jumystan shyǵyp qalǵan jigittiń kek alý úshin zaýytqa bomba qoıyldy dep habarlaǵanyn jazǵan edik.
