Atyraýlyq 12 jasar shahmatshy álem kýbogynyń qola júldegeri atandy
ATYRAÝ. QazAqparat – Atyraýlyq 12 jasar shahmatshy álem kýbogynyń qola júldegeri atandy, dep habarlaıdy QazAqparat.
Oblystyq sport jáne dene shynyqtyrý basqarmasy baspasóz qyzmetiniń málimetinshe, 31 tamyzda Halyqaralyq shahmat federatsııasynyń (FIDE) uıymdastyrýymen
jasóspirimder arasynda jyldam shahmattan álem kýbogy ótken.
«Álem kýbogyna 1-20 tamyzda Tornelo.com platformasy arqyly iriktelgen jas shahmatshylar qatysty. Sonyń biri – atyraýlyq Zarına Nurǵalıeva.
Sport sheberligine úmitker sanatyn ıelengen shahmatshy 12 jasqa deıingi qyzdar arasyndaǵy saıysta qola júldege ıe boldy», -dep habarlady basqarmanyń baspasóz
qyzmeti.
Ár sanattaǵy úzdik úsh qatysýshy FIDE-niń júlde qory 30 000 eýrony quraıtyn 2021 jylǵy onlaın kýbogy úshin ótetin sýperfınalǵa qatysýǵa úmitker bolady.
Eske sala ketelik, buǵan deıin atyraýlyq dzıýdoshy Eýropa kýbogynda jeńimpaz
atanǵanyn habarlaǵan edik.
