Atyraýlyq 103 myń dollardy shekaradan zańsyz alyp ótpek bolǵan
ASTANA. QazAqparat - Atyraýdan Túrkııanyń Antalıasyna ushyp shyqqan reıs jolaýshysy deklaratsııada kórsetilmegen aqshany alyp ótkeni úshin mıllıonnan astam teńge mólsherinde aıyppulmen jazalandy, dep jazady Aq Jaıyq.
9 maýsymda Atyraý halyqaralyq áýejaıynda №484 «Atyraý - Antalıa» halyqaralyq reısin rásimdeý kezinde Memlekettik kirister departamentiniń ekonomıkalyq tergeý qyzmetiniń qyzmetkerleri shekarashylarmen birlesip 27 jastaǵy A.A.-dan jasyrylǵan 103 300 AQSh dollaryn taýyp aldy.
Sotqa deıingi tekserý barysynda zań buzýshy óz kinásin tolyq moıyndap, is júrgizý kelisimin jasady. №2 Atyraý soty ony QK 234-baby («Ekonomıkalyq kontrabanda») boıynsha kináli dep tanyp, jasyrylǵan aqshalaı somany tárkileýsiz, 500 AEK (1 mln 134 myń 500 teńge) mólsherinde aıyppul taǵaıyndady.
