Atyraýǵa vaktsına tasymaldaýǵa arnalǵan muzdatqysh kameralar jetkizildi
ATYRAÝ. QazAqparat – Atyraýǵa koronavırýs ınfektsııasyna qarsy vaktsınany eń shalǵaı aýdandarǵa tasymaldaýǵa arnalǵan 5 muzdatqysh kameralar jetkizildi, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, budan buryn «Teńizshevroıl» JShS-niń demeýshiligimen kólemi men syıymdylyǵy ár túrli 28 muzdatqysh kamerasy alynǵan. Endi taǵy da sondaı 5 muzdatqysh kamerasy alynyp otyr.
«Atalǵan kompanııa 4,5 mlrd teńgeden astam qarjyǵa medıtsınalyq jabdyqtar men koronavırýs ınfektsııasyna qarsy qoldanylatyn quraldardy satyp alýǵa demeýshilik qoldaý kórsetti. Atap aıtqanda, Atyraý oblysynyń turǵyndary úshin 648 myń jeke qorǵanys quraly, 56 ottegi kontsentratory, 252 medıtsınalyq jabdyq, 20 ókpe jasandy jeldetý apparaty, sondaı-aq, 4 PTR-synamasynyń qondyrǵysy satyp alyndy» -dep habarlady basqarmanyń baspasóz qyzmeti.
Eske sala ketelik, budan buryn Atyraýda 3 aýrýhanaǵa 6 ókpeni jasandy jeldetý apparaty berilgenin jazǵan bolatynbyz.
