Atyraýǵa «Spýtnık V» vaktsınasy II komponentiniń 7650 dozasy jetkizildi
ATYRAÝ. QazAqparat – Búgin Atyraýǵa «Spýtnık V» vaktsınasy II komponentiniń 7 650 dozasy jetkizildi, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmetinen málim etkendeı, vaktsına dozalaryn egý beketterine bólý jáne tasymaldaý bastalǵan.
«Búgin, 18 mamyrda óńirge Aqtóbedegi farmatsevtıkalyq habynan «Spýtnık V» vaktsınasynyń ІІ komponentine arnalǵan 7 650 dozasy jetkizildi. Vaktsına dozalaryn egý beketterine bólý jáne tasymaldaý júrgizilýde. Qazir óńirde 41 ekpe beketi jumys isteıdi. Onyń ekeýi Teńiz ken ornynda, HQKO-da, «Tamasha», «Kóktem», «Atyraý», «Baızar», «Dına» saýda ortalyqtarynyń árqaısysynda bir-birden ekpe beketi ashyldy. Budan basqa, qalalyq, aýdandyq emhanalar janynda 23, sondaı-aq, 10 jyljymaly bekette turǵyndarǵa vaktsına salynady» -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda vaktsına saldyrǵandar sany 44 myńnan asqan edi.
