Atyraýǵa shetelden bir aptada 240 jolaýshy ushyp kelgen
ATYRAÝ. QazAqparat –Atyraýǵa shetelden ushyp kelgen 240 jolaýshydan koronavırýs ınfektsııasy tabylmady, dep habarlaıdy QazAqparat.
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, 26 qazan - 1 qarasha aralyǵynda «Ystanbul-Atyraý», «Amsterdam-Atyraý» baǵytymen 3 halyqaralyq avıareıs ushyp kelgen.
«Halyqaralyq áýe reısterimen 240 jolaýshy keldi. Olardyń arasynda 4 jolaýshyda koronavırýs ınfektsııasyna PTR-test anyqtamasy bolmady. Sondyqtan, olar karantındik statsıonarlarǵa jatqyzyldy. Alaıda, barlyq jolaýshydan koronavırýs ınfektsııasyna synama alyndy», - dep habarlady departamenttiń baspasóz qyzmetinen.
Zertteý nátıjesinde jolaýshylardyń eshbirinen qaýipti ınfektsııa tabylǵan joq. Sol sebepten, jolashylar úılerine jiberilgen.
