Atyraýǵa shetelden 133 qandasymyz kóship keldi
Oblystyq jumyspen qamtýdy úılestirý jáne áleýmettik baǵdarlamalar basqarmasy mamandarynyń málimetinshe, jyl basynan beri óńirge shetelden 95 otbasy kóship kelgen.
Bul otbasylarda 133 etnıkalyq qazaq bar.
«Qazaqstan Respýblıkasynda turaqty turý maqsatymen qonys aýdarǵan etnıkalyq qazaqtar qandas mártebesin aldy. Onyń ishinde Ózbekstan Respýblıkasynan 88 otbasy (124 adam), Qytaı Halyq Respýblıkasynan 5 otbasy (7 adam) jáne Reseı Federatsııasynan 2 otbasy (2 adam) bar. Olardyń arasynan 116 múshesi bar 81 otbasy Atyraý qalasyna, 12 otbasynyń 15 adamy Jylyoı aýdanyna, al, Maqat aýdanyna 2 otbasy (2 adam) konystandy», - dep habarlady basqarma mamandary.
Eske sala ketelik, budan buryn Atyraý oblysyna 50-ge jýyq etnıkalyq qazaq kóship
kelgenin habarlaǵan edik.
