Atyraýǵa Reseıden kelgen 5 túrkistandyqtan koronavırýs anyqtaldy
ATYRAÝ. QazAqparat – Atyraý oblysyna Reseı Federatsııasynan kelgen Túrkistan oblysynyń 5 turǵynynan koronavırýs ınfektsııasy anyqtaldy, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, búgin Atyraýda koronavırýs ınfektsııasyn juqtyrǵandar sany 32 adammen tolyqqan. Onyń beseýi Reseıdiń Astrahan oblysymen shekaradaǵy Qurmanǵazy aýdanynda anyqtalǵan.
«Túrkistan oblysynyń 1996, 1992, 1995, 1996, 1988 jyldary týǵan bes turǵyny Atyraýǵa Reseı Federatsııasynan kelgen. Olardan alynǵan koronavırýsqa qarsy test qorytyndysynda qaýipti ınfektsııanyń bary rastalǵan.
Sondaı-aq, Teńiz kenishiniń 27 jumysshysynan da qaýipti indettiń belgisi anyqtaldy. Olardyń 21-i — er adam, al, altaýy — áıel.
Qaýipti indet anyqtalǵan naýqastardyń bári ınfektsııalyq statsıonarǵa jatqyzyldy», - dep habarlady óńirlik jedel shtabtan.
Búgin Atyraý oblysynda koronavırýs ınfektsııasyn juqtyrǵan adamdardyń sany 506-ǵa jetti. Naýqastardyń 428-i – Teńiz kenishiniń jumysshylary. Sonymen birge, 147 patsıent qaýipti indetten aıyǵyp shyqqan.
