Atyraýǵa pandýstary bar «Ankai» markaly 30 avtobýs ákelindi
ASTANA. QazAqparat - Bıylǵy jyldyń sońyna deıin múmkindigi shekteýli jandarǵa arnalǵan taǵy 100 birlik qoǵamdyq kólik ákelý josparlanýda, dep xabarlaıdy Atyraý qalasy ákiminiń baspasóz qyzmeti.
"Ankai" kompanııasy óndirgen 30 jańa avtobýs Atyraýǵa jaqyn kúnderi jetkizildi, olar «TShO» JShS demeýshilik qoldaýymen alyndy. Jańa avtobýstyń syıymdylyǵy 24 otyratyn jáne 75 turyp turýǵa arnalǵan oryndy quraıdy, odan bólek olar kondıtsıoner jáne beıne kameralarmen jabdyqtalǵan. Bir avtobýstyń jalpy uzyndyǵy- 10,5 m.
Josparlanǵan qoǵamdyq kólik «Aqjaıyq - Avtoturaq» jańa avtobýs parkin tolyqtyrady.
"Qoǵamdyq kólik salasynda básekelestik ortany qurý úshin qazirgi ýaqytta ekinshi turaq qurylýda. Ol birinshi talaptarmen birdeı ashyq bolady: 45%-y "Atyraý" ÁKK-na, 55%-y -jeke ınvestorǵa",- deıdi "Smart-Atyraý" JShS dırektory Ádilbek Tankıev.
Ótken jyly qurylǵan «Atyraý-Avtoturaq» 26 qalalyq baǵyttyń 8-in qamtıdy. Jańa avtoturaq ta osyndaı baǵytty qamtamasyz etedi. Óz kezeginde, joba bastamashylary basqa turaqty qurý usynylatyn qyzmetterdiń sapasyn jaqsartatynyna senimdi.
Aıta keteıik, 30 avtobýs múgedekter úshin pandýstarmen jabdyqtalǵan. Jyl sońyna deıin taǵy 100 jańa "Ankai" avtobýstaryn satyp alý josparlanyp otyr.
