Atyraýǵa ózge óńirden kelip esirtki satqan eki adam 7 jáne 10 jylǵa sottaldy
Oblystyq polıtsııa departamentiniń baspasóz qyzmetinen málim etkendeı, esirtki satýshylar 2022 jyldyń 13 jeltoqsanynda ustalǵan.
«Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary kezinde Atyraý qalasynyń Kókarna yqsham aýdanynda esirtki zatyn asa iri kólemde saqtaǵan ózge oblystyń 2002 jáne 2004 jylǵy turǵyndaryn anyqtap, ustaǵan bolatyn. Kekserý jumystary kezinde polımerli pakettegi 19 «Ziplock» psıhotroptyq jáne ártúrli tústegi 18 flakondaǵy esirtki zattary tárkilendi. Medıtsınalyq saraptama qorytyndysymen 59,2891 gramm bolatyn mefedron jáne 339,0289 gramm «Alfa PVP» sıntetıkalyq esirtkisi ekeni belgili boldy. Kúdiktiler aldyn-ala sóz baılasý, elektrondy aqparattyq resýrstardy paıdalaný arqyly asa iri mólsherde psıhotroptyq zattardy saqtaý jáne ótkizip, tasymaldaýdy júzege asyrǵan», -dep habarlady departamenttiń baspasóz qyzmeti.
Polıtsııa qyzmetkerleri esirtki satýshylarǵa qatysty QR Qylmystyq kodeksiniń 297-babynyń 3-bóligimen qylmystyq isti tirkep, sotqa deıingi tergeý áreketin júrgizgen. Jaqynda sot sheshimimen óz kinásin moıyndaǵan 2002 jylǵy azamat 10 jylǵa, al 2004 jylǵy azamatsha 7 jylǵa bas bostandyǵynan aıyryldy.
Eske sala ketelik, buǵan deıin Atyraýda esirtki tasymaldaǵan 30 jastaǵy kúdikti qamaýǵa alynǵanyn jazǵan edik.
Keıin 20 jastaǵy qaraǵandylyq Atyraýda sıntetıkalyq esirtki satyp kelgenin habarlaǵan bolatynbyz.
