Atyraýǵa ózge qalalardan kelgen jeńil júristi qyzdar ustaldy
ATYRAÝ. QazAqparat – Atyraýǵa ózge qalalardan kelgen jeńil júristi qyzdar ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, páterlerdi jaldap alyp, jezókshelikpen aınalysqan alty qyz anyqtalǵan.
«Ýchaskelik polıtsııa qyzmetkerleri «Ýchaske» jedel profılaktıkalyq is-sharasy kezinde «Avangard» shaǵyn aýdanynda ornalasqan kópqabatty úılerdiń jaldamaly páterlerinen jeńil júristi alty azamatshany ustady. Olar Shymkent, Qaraǵandy, Qyzylorda, Almaty qalalarynan kelip, jaldaǵan páterlerde tirkeýsiz turyp jatqany anyqtaldy. Jeńil júristi qyzdar QR Ákimshilik quqyqbuzýshylyq týraly Kodeksiniń 492-babymen (Qazaqstan Respýblıkasy azamattarynyń kúntizbelik on kúnnen bir aıǵa deıingi merzimde jeke kýáliksiz nemese jaramsyz jeke kýálikpen ne turǵylyqty jeri boıynsha, ýaqytsha bolatyn (turatyn) jeri boıynsha tirkeýsiz turýy) jáne 449-bapqa sáıkes (Qoǵamdyq oryndarda zattardy ózgeshe tásilmen satyp alý, satý, aıyrbastaý nemese ıemdený maqsatynda kásipkerlik sýbektisi bolyp tabylmaıtyn adam jasaǵan, sondaı-aq bal ashý, qaıyrshylyq, seksýaldyq sıpatta qyzmetter kórsetý ne ózge de qyzmetter kórsetýdi kúshtep tańý maqsatynda tıisý, ıaǵnı mazalap ótinish bildirý) ákimshilik jaýapkershilikterge tartyldy», -dep habarlady departamenttiń baspasóz qyzmeti.
Al, páterlerdi jalǵa berý dereginiń zańdylyǵyn tekserý maqsatynda málimetter Atyraý qalalyq memlekettik kirister basqarmasyna joldanady.
Eske sala ketelik, buǵan deıin Atyraýda bir aptada júrgizýshi kýáliginsiz rýlge otyrǵan
11 adam ustalǵanyn, sondaı-aq, mas er adam kólik qozǵalysyna kedergi keltirgenin jazǵan bolatynbyz.
