Atyraýǵa Lıtvadan kelgen azamat karantınnen qashyp ketken
ATYRAÝ. QazAqparat – Atyraýǵa Lıtvadan ushyp kelgen azamat karantınnen qashyp ketken, dep habarlaıdy QazAqparat.
«Atyraý qalalyq mamandandyrylǵan ákimshilik sotynda QR Ákimshilik quqyq buzýshylyq týraly kodekstiń 476-baby 6-tarmaǵyn buzǵan azamattyń isi qaraldy. Lıtvadan kelgen Qazaqstan Respýblıkasynyń azamaty tótenshe jaǵdaıdyń jarııalanýyna baılanysty memlekettik organmen belgilengen karantın rejımin buzǵan. Ol bıylǵy 18 naýryzda túngi saǵat 03.00 shamasynda Atyraý oblystyq týberkýlezge qarsy dıspanserdiń ekinshi qabatynda ornalasqan palata terezesinen sekirip, qashyp ketken. Quqyq buzýshy S. dıspanserdiń palatasynan sot otyrysyna «TrueConf» qosymshasy arqyly qatysty. Ol kinásin moıynda», - dedi oblystyq sottyń baspasóz qyzmetinen.
Sot qaýlysymen oǵan eskertý túrindegi jaza qoldanyldy. Qazir ol Atyraý oblystyq týberkýlezge qarsy dıspanserde dárigerlerdiń statsıonarlyq baqylaýynda.
