Atyraýǵa Qytaıdan gýmanıtarlyq kómek keldi

ATYRAÝ. QazAqparat – Atyraýǵa Qytaıdan gýmanıtarlyq kómek keldi, dep habarlaıdy QazAqparat.

Sybaılas jemqorlyqqa qarsy is-qımyl agenttigi Atyraý oblysy boıynsha departamenti men Qoǵamdyq baqylaý toby gýmanıtarlyq kómek túrinde kelgen júkti qabyldap alý, júkti túsirý, sanaý jumystaryna tikeleı qatysty. Endi onyń medıtsınalyq uıymdarǵa bólinýin baqylaıtyn bolady.

Qytaıdan Atyraýǵa 47 990 medıtsınalyq taýar jetkizdi. Onyń ishinde 1 600 medıtsınalyq qorǵanysh kombınezony, 3 700 qorǵanysh kózildirigi, 8 200 bir rettik qolǵap, 50 sensor termometr, 5 700 medıtsınalyq jáne 29 040 hırýrgııalyq maska bar.

​ul taýarlar Geolog emhanasynda ornalasqan Densaýlyq saqtaý basqarmasynyń qoımasyna jiberildi.

Eske sala ketelik, Atyraý oblysynda karantın kúsheıtilgen edi.