Atyraýǵa koronavırýsqa qarsy vaktsınanyń taǵy 5600 dozasy jetkiziledi
ATYRAÝ. QazAqparat – Atyraý oblysyna koronavırýsqa qarsy vaktsınanyń taǵy 5 600 dozasy jetkiziledi, dep habarlaıdy QazAqparat.
Oblystyq densaýlyq saqtaý basqarmasynyń basshysy Ashan Baıdýálıevtiń málimetinshe, Atyraýǵa erteń, 4 naýryzda «Spýtnık V» vaktsınasynyń 2 000 dozasy jetkiziledi. Al, 15 naýryzda taǵy da 3 600 doza jetkizý kózdelip otyr.
«Birinshi kezekte dárigerler, muǵalimder jáne basqa da sanattaǵy qyzmetkerler ekpe alady. Máselen, 22 aqpannan beri Atyraý oblysynda medıtsına qyzmetkerleriniń ekinshi komponentimen vaktsınatsııa júrgizilýde. Qazir 775 adam ekpe aldy. Al, 225 adamǵa vaktsına keste boıynsha kezekpen salynady» -dedi Ashan Baıdýálıev.
Onyń aıtýynsha, bilim basqarmasy usynǵan aldyn ala tizim 2 myńǵa jýyq pedagog koronavırýsqa qarsy vaktsına saldyrady. Bilim berý salasynyń qyzmetkerlerin vaktsınatsııalaýdy 9 naýryzda bastaý josparlanǵan.
Eske sala ketelik, budan buryn Atyraý oblysynda vaktsınatsııalaýdyń birinshi kezeńi aıaqtalǵanyn habarlaǵan edik.
