Atyraýǵa Hayat-Vax vaktsınasynyń 7,5 myń dozasy jetkizildi
ATYRAÝ. QazAqparat – Atyraýǵa Hayat-Vax vaktsınasynyń 7 500 dozasy jetkizildi, dep habarlaıdy QazAqparat.
Oblystyq densaýlyq saqtaý basqarmasynyń basshysy Ashan Baıdýálıevtiń aıtýynsha,
Hayat-Vax vaktsınasy - bul belsendiligi joıylǵan koronavırýs ınfektsııasyna qarsy vaktsına, Birikken Arab Ámirlikteriniń Ras-ál-Haıma qalasyndaǵy «Jýlpar» farmatsevtıkalyq óndirisinde shyǵarylǵan. Hayat Vax vaktsınasyn BAÁ Densaýlyq saqtaý jáne aldyn alý mınıstrligi 2020 jyly 9 jeltoqsanynda tirkedi, sodan keıin Qytaıda 2020 jyly 30 jeltoqsanda tirkeldi. Atalmysh vaktsına Qytaıda jáne BAÁ-de óndirýge maquldandy.
«Bul vaktsınany 11 mamyrda óńirdiń bir turǵyny saldyrdy. Jaqynda Hayat-Vax vaktsınasynyń 7 500 dozasy jetkizildi. Alǵashqy 200 doza «Medıker Jaıyq» seriktestigine jiberildi. Dozanyń qalǵan bóligi qoımada saqtaýly tur. Ony vaktsınalaý beketterine bólip beremiz», - dedi Ashan Baıdýálıev.
