Atyraýǵa halyqaralyq reıspen kelgen jolaýshylardan koronavırýs anyqtalmady
Keshe, 6 qazanda Atyraýǵa Ystanbuldan áýe bortymen 115 jolaýshy kelgen edi. Onyń 20-da PTR-test qorytyndysy týraly anyqtama bolmaǵan. Sol sebepti karantın statsıonaryna jatqyzylǵan edi.
«Búgin tańerteń test qorytyndysy belgili boldy. Karantın statsıonaryndaǵy jolaýshylardan koronavırýs anyqtalǵan joq» dep habarlady Atyraý oblysynyń bas memlekettik sanıtar dárigeriniń orynbasary Gúlnaz Erbatyrova
Onyń aıtýynsha, túnde Atyraýǵa Amsterdamnan taǵy bir ushaq kelip qonǵan. Bul reıstegi 48 jolaýshynyń úsheýinde tıisti anyqtama bolmaǵan.
Anyqtamasy joq jolaýshylar karantın statsıonaryna ornalastyrylǵan. Olardan da PTR-test qorytyndysy boıynsha COVID-19 ınfektsııasy anyqtalmaǵan.
Eske sala ketelik, keshe Atyraýǵa Ystanbuldan ushyp kelgen 20 jolaýshy karantınge jatqyzylǵan bolatyn.