Atyraýǵa demeýshilerdiń qoldaýmen dári-dármekter jetkiziledi
ATYRAÝ. QazAqparat –Atyraýǵa aldaǵy bir-eki kúnde óńirdiń demeýshi azamattarynyń qoldaýmen dári-dármekter jetkiziledi, dep habarlaıdy QazAqparat.
Atyraý oblysynyń ákimi Mahambet Dosmuhambetovtiń aıtýynsha, dáriger-mamandardyń jetispeýshiligin sheshý úshin ishki resýrstar paıdalanylady. ıAǵnı, medıtsına fakýltetiniń joǵary kýrs stýdentterin de salaǵa tartý josparlanyp otyr. Sondaı-aq, aımaqtaǵy dárihanalarǵa demeýshilerdiń qoldaýmen dári-dármekter jetkizilmek. Qazir qalyptasqan epıdemıologııalyq ahýalǵa oraı, oblystyq aýrýhana janynan 400 oryndyq ınfektsıondyq statsıonar jasaqtalyp jatyr.
«Atyraýda 2 shildedegi jaǵdaı boıynsha koronavırýs ınfektsııasynyń 4747 jaǵdaıy tirkelip otyr. Teńiz kenishi áli de qaýipti aımaq qatarynda tur. Naýqastardyń 1582-si atalǵan ken ornynyń jumysshylary bolyp otyr. Qazir aımaqta koronavırýs ınfektsııasyna shaldyqqan 619 patsıent em qabyldap jatyr. Sonymen birge, densaýlyq saqtaý oryndary ókpeni jasandy jeldetetin 115 apparatpen qamtyldy», dedi aımaq basshysy Mahambet Dosmuhambetov.
Aımaq basshysynyń aıtýyna qaraǵanda, dárihanalarda dári-dármekterdiń jetispeýshiligin sheshý joldary qarastyrylǵan. Naqtylaı aıtqanda, Atyraý oblysyna birer kúnde demeýshilerdiń qoldaýmen dári-dármekter jetkiziledi. Sondaı-aq, Atyraýda onlaın dárigerlik keńes berý qyzmeti uıymdastyrylyp jatyr.
«Jaqynda oblys basshysynyń tapsyrmasymen jedel járdem beketine túsetin suranystardy azaıtý úshin call-ortalyq ashyldy. Onda kúnine 150-160-qa deıin onlaın keńester berilip jatyr» deıdi Atyraý oblysy densaýlyq saqtaý basqarmasynyń basshysy Nurlybek Qabdyqaparov.
Ol Atyraýdaǵy dári jetispeýshiligi máselesin sheshý úshin jasalyp jatqan jumystar týraly aıtty.
«Dárihanalardyń barlyǵy jekemenshiktiń ıeliginde. Bul saladaǵy ahýalǵa aralasý bizdiń quzyretimizge kirmeıdi. Biraq, oblys ákiminiń tapsyrmasymen demeýshilik qoldaý arqyly dári-dármek jetkizý uıymdastyrylýda. Sondaı-aq, «SK Farmatsııa» arqyly oblystaǵy emdeý mekemelerine dári-dármek jetkizý jóninde jumystar júrgizilýde» dedi ol.
Qazir Atyraý oblystyq aýrýhanasynda 400 orynǵa ınfektsıondyq statsıonar jasaqtaýǵa oryn daıyndalýda. Aýrýhananyń bas dárigeri Baýyrjan Ahmetqalıevtiń aıtýynsha, búginde oblystyq aýrýhananyń ınfektsıondyq statsıonarynda 290 naýqas em qabyldap jatyr.
«Sondaı-aq, aýrýhana aýlasyna eki shatyr tigildi. Naýqastar jappaı túsetin jaǵdaı oryn alsa, olardy palatkaǵa ornalastyramyz. Onda alǵashqy medıtsınalyq kómek kórsetiletin bolady. Ekinshi palatka volonterlarǵa arnalyp otyr. Eriktiler aýrýhanadaǵy naýqastardyń densaýlyǵyna shaǵymy, jaǵdaıy boıynsha aqparat jınaqtap, emdeýshi dárigerlerge shuǵyl málimet jetkizip otyrady» deıdi ol.
«Biz kez kelgen jaǵdaıǵa daıyn bolýymyz kerek»- dedi oblys ákimi Mahambet Dosmuhambetov.
Eske sala ketelik, buǵan deıin Atyraýda kásipkerler oblystyq aýrýhanaǵa 2 jasandy tynys alý apparatyn syılady.
https://kaz.inform.kz/news/atyrauda-kasipkerler-oblystyk-auruhanaga-2-zhasandy-tynys-beru-apparatyn-syylady_a3667754
