Atyraýǵa dári-dármektiń iri partııasy tıelgen júk kóligi keldi
ATYRAÝ. QazAqparat – Atyraý oblysyna júk kóligimen dári-dármektiń iri partııasy jetkizildi, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, keshe, 15 shildede Atyraýǵa jetkizilgen dári-dármektiń iri partııasynda koronavırýsqa shaldyqqandardy emdeıtin medıtsınalyq preparattar da bar.
«Almatydan Atyraýǵa jalpy quny 220 mln teńgeni quraıtyn 470 dári-dármektiń 2 myńnan astam qoraby jetkizildi. Alynǵan preparattardyń ishinde antıbıotıkter men qyzý túsiretin dáriler bar. Bul dári-dármek oblystyń dárihanalaryna búgin-erteń taratylady» dep habarlady óńirlik kommýnıkatsııalar qyzmeti.
Buryn preparattar temirjolmen jetkiziletin. Oǵan 10 kún nemese odan kóp ýaqyt ketetin.
Al, qazir oblys ákimdigi dári-dármekti ushaq jáne júk kóligimen jyldam jetkizýdi uıymdastyryp otyr.
