Atyraýǵa Astrahannan kelgen 7 adamnan koronavırýs anyqtalǵan
ATYRAÝ. QazAqparat – Atyraýda 6 qazannan beri Reseıdiń Astrahan oblysynan kelgen 7 adamnan koronavırýs anyqtaldy, dep habarlaıdy QazAqparat.
Atyraý oblysynyń bas memlekettik sanıtar dárigeri Amantaı Jumaǵalıevtyń aıtýynsha, Qazaqstan aýmaǵyna Reseı Federatsııasynyń Astrahan oblysynan 6 qazannan beri shekaradaǵy ótkizý pýnkti arqyly 13 myńnan astam adam kelgen.
«Onyń ishinde 1 656 adamda – 210 jolaýshy men 1446 júrgizýshide PTR-testten ótkeni týraly anyqtama bolǵan joq. Olardyń bári karantındik statsıonarǵa jatqyzyldy. Al, 6 júrgizýshi men bir jolaýshynyń PTR-test qorytyndysy koronavırýsqa oń nátıje kórsetti. Naýqastyń bári emdelýge jiberildi», - deıdi Amantaı Jumaǵalıev.
Atyraýdaǵy H.Dospanova halyqaralyq áýejaıyna kelgen jolaýshylardan koronavırýs ınfektsııasy tirkelmegen.
Eske sala ketelik, buǵan deıin qyrkúıek aıynan beri 33 atyraýlyq oqýshy, sondaı-aq, 28 naýryzdan beri 12 myń adam koronavırýsqa shaldyqqanyn habarlaǵan bolatynbyz.
