Atyraýǵa arnaıy monıtorıngtik toptyń músheleri keldi
ATYRAÝ. QazAqparat - QR Sybaılas jemqorlyqqa qarsy strategııasyn iske asyrý boıynsha syrtqy taldaý jáne baǵalaý respýblıkalyq arnaıy monıtorıngtik tobynyń músheleri munaıly óńirge jumys saparymen keldi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Sapardyń maqsaty - qoǵamdy sybaılas jemqorlyqqa qarsy kúreske keńinen tartý,qoǵamdyq baqylaý salasyndaǵy ózekti máselelerdi talqylaý.
Bul týraly ÓKQ ótken brıfıngte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń jurtshylyqpen baılanys jónindegi departamenttiń dırektory Arman Berdalın aıtty.
Sapar barysynda agenttiktiń ókilderi men qoǵamdyq belsendiler Atyraý oblysynyń Maqat jáne Jylyoı aýdandaryna baryp, memlekettik mekemelerdiń jumysymen tanysyp, jańa áleýmettik nysandardy aralady jáne jergilikti turǵyndardyń máselelerin tyńdady.
«Árbir aýdanda biz turǵyndarmen kezdesip, olardyń pikirlerin tyńdap, ózderin qyzyqtyrǵan taqyryptarǵa jaýap berdik. Kóptegen suraqtar memlekettik qyzmetterdiń sapasyn arttyrýǵa, memlekettik qyzmetshilerdiń eńbekaqysyn tóleýdiń jańa júıesine, sybaılas jemqorlyqqa qarsy kúresti kúsheıtýge qatysty boldy. Arnaıy monıtorıngtik top qyzmettiń barlyq salalarynda azamattyq baqylaýdy júzege asyratynyn jáne memleket pen qoǵam arasyndaǵy baılanystyrýshy kópir retinde áreket etetinin atap ótkim keledi», - dedi Arman Berdalın.
Aıta keteıik, Respýblıkalyq arnaıy monıtorıngtik top qoǵamdy sybaılas jemqorlyqpen kúresip, qoǵamdyq baqylaý salasyndaǵy ózekti máselelerdi talqylaýmen aınalysady.
