Atyraýǵa 26 ottegi kontsentratory jetkizildi

ATYRAÝ. QazAqparat –Atyraýǵa Almatydan 26 ottegi kontsentratory jetkizildi, dep habarlaıdy QazAqparat.

«Buǵan deıin 18 shildede «Atameken» UKP óńirlik fılıaly arqyly Atyraýǵa 7 ottegi kontsentratory ákelingen edi. Onyń úsheýi Jylyoı aýdandyq ortalyq aýrýhanasyna, ekeýi oblystyq aýrýhanaǵa, kardıologııalyq ortalyq pen Isataı aýdandyq aýrýhanasyna bir kontsentrator berildi. Al, bul joly jetkizilgen 26 ottegi kontsentratory aýdandyq jáne qalalyq emdeý mekemelerine taratylady. Atyraýǵa taǵy da osyndaı 139 apparat jetkiziledi dep kútilip otyr» -deıdi «Atameken» UKP Atyraý óńirlik palatasynyń sarapshysy Erkebulan Bádelov.

Eske sala ketelik, buǵan deıin Atyraý ákimdigi óz baǵasynan 4 mln teńgege qymbat ókpe apparatyn alýdan bas tartqan edi.