Atyraýǵa 20 jyl buryn kóship kelgen qandas azamattyq aldy
ATYRAÝ. QazAqparat – Atyraýǵa 20 jyl buryn kóship kelgen qandas azamatyq aldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 44 jastaǵy Nadııa Nábıqyzy Reseı Federatsııasynan kóship kelgen. Úsh balasy bar.
Ol osy kezge deıin KSRO-nyń qyzyl pasportymen júrgen. Sol sebepten, balalarymen birge tegin medıtsınalyq kómekke júgine almaǵan. Jumys istemegen.
«Qurmanǵazy aýdandyq polıtsııa bóliminiń kóshi-qon qyzmetkerlerine ótinish berdim. Ótinishimdi jaýapsyz qaldyrmaı, aýdandyq polıtsııa bóliminiń kóshi-qon qyzmetinen polıtsııa kapıtany Aıdana Amangeldıeva Reseı Federatsııasynyń Astrahan qalasyna bardy. Qazaqstan Respýblıkasynyń azamattyǵyn alýdyń jeńildetilgen tártibin túsindirip, qujattarymdy rettep berdi. Eldiń azamaty atanǵannan artyq qýanysh bola ma? Endi elimizdiń órkendeýine úlesimdi qosýdy maqsat etip otyrmyn. Kóshi-qon qyzmetiniń qyzmetkerlerine qoldaý kórstkeni úshin alǵys aıtamyn», -deıdi Nadııa Nabıqyzy.
Eske sala ketelik, budan buryn Atyraý oblysynda 16 qandas Qazaqstan azamattyǵyn alǵanyn habarlaǵan bolatynbyz.
