Atyraýǵa 1,5 mlrd teńgeniń tegin dári-dármegi jetkizildi

ATYRAÝ. QazAqparat –Bıylǵy jyl basynan beri Atyraý oblysynyń densaýlyq saqtaý mekemelerine kepildendirilgen tegin medıtsınalyq kómek aıasynda 1,5 mlrd teńgeniń dári-dármegi tústi, dep habarlaıdy QazAqparat.

«SK Farmatsııa» JShS baspasóz qyzmetiniń málimetine súıensek, Atyraýdaǵy medıtsına mekemelerine 345 túrli dári-dármek jiberilgen. Osy kezge deıin patsıentter 876 mıllıon teńgeniń dári-dármegin tegin alǵan.

«Dári-dármekter statsıonarlarǵa, sonymen birge ambýlatorııalyq qamtý maqsatynda medıtsınalyq mekemelerge dıspanserlik esepte turǵandar úshin retsept boıynsha jetkizildi. Patsıentter dári-dármekti tegin alady. Bul dáriler mindetti áleýmettik medıtsınalyq saqtandyrýdyń kepildik berilgen tegin medıtsınalyq kómegi aıasynda tústi», - dep habarlady oblystyq Densaýlyq saqtaý basqarmasynyń baspasóz qyzmetinen.