Atyraýdyń Jylyoı aýdanynda 900-ge jýyq «Sergek» kamerasy ornatylady

ATYRAÝ. QazAqparat – Atyraýdyń Jylyoı aýdanyndaǵy eldi mekenderge 900-ge jýyq kamera ornatylady, dep habarlaıdy QazAqparat tilshisi.

Jylyoı aýdandyq turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspektsııasy bóliminiń basshysy Erjan Haınollaevtyń aıtýynsha, beıneaqylaý kameralary qoǵamdyq tártip pen jol qaýipsizdigin qamtamasyz etý maqsatynda ornatylady.

«Bıyl «Sergek» beınebaqylaý jáne aqparattyq baǵdarmalyq keshenin ornatý jumystary júrgiziledi. Josparǵa sáıkes jalpy 850 beınebaqylaý kamerasy men 24 qıylysqa aqparattyq baǵdarlamalyq keshenin ornatý kózdelip otyr. Kameralar aýdan ortalyǵy – Qulsary qalasynyń qylmys oqıǵasy kóp tirkeletin aýmaqtaryna, aýlalarǵa, halyq kóp shoǵyrlanǵan alańdarǵa, Jańa Qaraton kentiniń, sondaı-aq Qosshaǵyl, Turǵyzba, Shoqpartoǵaı, Aqkıiztoǵaı, Maıkómgen aýyldyq okrýgteriniń kósheleri men kireberisine qoıylady. Kameralardy ornatý jumysy jyl sońyna deıin tolyq aıaqtalady», -

dep habarlady Erjan Haınollaev.

Onyń aıtýynsha, kameralar beınefotoǵa túsiredi. Kóliktiń memlekettik tirkeý nómirin tanýǵa bolady. Sondaı-aq júrgizýshilerdiń jyldamdyqty asyrý, toqtaý syzyǵyn kesý, baǵdarshamnyń tyıym salynǵan belgisine ótip ketý, joldy belgileý talaptaryn saqtamaý, qoǵamdyq kólik jolaǵymen júrý sekildi erejelerdi buzý deregi anyqtalady.

Eske sala ketelik, budan buryn jastary jıi tóbelesetin Saǵyz aýylynda 50 beınekamera ornatylatynyn habarlaǵan bolatynbyz.

Oblys ákimi SErik Shápkenovtiń málimetinshe, Saǵyz aýylynda qaýipsizdik pen qoǵamdyq tártipti qamtamasyz etý úshin bıyl 50 beınebaqylaý kamerasy ornatylady. Polıtsııa bólimshesiniń jańa ǵımaratyn salý josparlanyp otyr.