Atyraýdyń jańa shaǵyn aýdanynda gımnazııa paıdalanýǵa berildi
ATYRAÝ. QazAqparat - Búgin Atyraýda 624 oryndyq mamandandyrylǵan tehnıkalyq gımnazııa paıdalanýǵa berildi, dep habarlaıdy QazAqparat.
Gımnazııa osy ýaqytqa deıin mektep jetispeı kelgen, adam óte tyǵyz ornalasqan «Nursaıa» aýdanynda ashyldy. Nysan zamanýı qajettilikterdiń barlyǵymen qamtamasyz etilgen. ıAǵnı onda sport alańy, kitaphana, keń ashana bar. Onda tipti jeke stomatologııalyq kabınet te jumys isteıdi.
Gımnazııanyń ashylý saltanatyna Atyraý oblysynyń ákimi Nurlan Noǵaev qatysty. Ol qurylysshylar men demeýshilerge Bilim kúnine arnalǵan osyndaı keremet syılyq úshin alǵysyn bildirdi. Gımnazııa «Igilik» atty erikti áleýmettik-ınfraqurylymdyq baǵdarlama aıasynda salyndy.
