Atyraýdyń úsh turǵyny adam urlady degen kúdikke ilindi
ATYRAÝ. QazAqparat - Atyraýdyń úsh turǵyny adam urlady degen kúdikke ilindi, dep habarlaıdy QazAqparat tilshisi.
«16 sáýirde Atyraýdyń úsh turǵyny Ózbekstan azamatyna zorlyq kórsetip, úıinen urlap áketken. Keıin onyń týysynan 300 myń teńge talap etip, bopsalaǵan. Ustalý kezinde kúdiktilerden jábirlenýshige tıesili aqshalaı qarajat pen zattar tabylǵan. Budan bólek, olardan zorlyq kórsetý zattary - tutqyndaǵy azamatty urǵan nýnchakı, pyshaq, zardap shegýshilerdiń birinen alyp qoıǵan «Lada Largýs» kóliginiń kilti tárkilendi», - dep habarlady Atyraý qalalyq polıtsııa departamenti ekstremızmge qarsy kúres basqarmasynan.
Ustalýshylarǵa qatysty adam urlaý jáne bopsalaý faktileri boıynsha qylmystyq is qozǵaldy, tergeý sharalary júrip jatyr. Atyraý qalalyq mamandandyrylǵan tergeý soty ustalýshylardy 2 aıǵa qamaý týraly bultartpaý sharasyn qoldandy.
Avtor: A. Sokolov
