Atyraýdyń turǵyny tergeý ızolıatoryna 4 telefon ótkizbek bolǵan
ATYRAÝ. QazAqparat – Atyraý qalasynyń turǵyny tergeý ızolıatoryna qamalǵan kúdiktige 4 uıaly telefondy ótkizbek bolǵan, dep habarlaıdy QazAqparat.
Atyraý oblysy boıynsha Qylmystyq-atqarý júıesi departamenti baspasóz qyzmetiniń málimetinshe, oqıǵa 8 jeltoqsanda bolǵan. Tergeý ızolıatorynda otyrǵan kúdiktige ákelingen tamaqtyń arasynan 4 uıaly telefon tabylǵan.
«Bul telefondar esirtki men qarýdy zańsyz saqtaǵany úshin ýaqytsha qamaýǵa alynǵan kúdiktige arnalǵany anyqtaldy. Mekeme qyzmetkerleri qyraǵylyǵyq tanytyp, zańsyz sálemdeme kúdiktiniń qolyna túsken joq. Atalǵan derekke qatysty 24 jastaǵy turǵyn ustaldy. Qazir tekserý jumystary júrgizilýde», - deıdi departamenttiń kúzet jáne rejım bóliminiń bastyǵy Asylbek Rahmanov.
Onyń aıtýynsha, tergeý ızolıatoryna ákelgen sálemdemeniń bári «Adanı» rentgen apparaty arqyly tekseriledi.
Eske sala ketelik, budan buryn Atyraýda jeńgetaılyqpen aınalysqan áıel túrmege qamalǵan edi.
