Atyraýdyń Taısoıǵan aýylynda 1 jyl boıy bir de bir qylmys tirkelmegen
Elimiz táýelsizdik alǵannan keıin Taısoıǵan aýylynda aýyldyq okrýg quryldy. Qazir munda 134 otbasynda 877 turǵyn bar.
Sondaı-aq, 4 kásipkerlik nysan, 47 sharýa qojalyǵy tirkelgen.
Aýyl turǵyndarynyń aıtýynsha, ýchaskelik polıtsııa ınspektorlyǵyna polıtsııa kapıtany Ǵalamat Aldanbaev kelgeli beri buzaqylyq oryn almaǵan. Ózge de qylmys tirkelmegen.
«Aýylymyz shaǵyn ári tynysh. Munda áleýmettik jaǵdaıy óte tómen otbasylar joq. Tipti otbasylyq kıkiljiń de bolǵan emes. Osy jyly aýylymyzǵa qyzmetke kelgen ýchaskelik polıtseı turǵyndarmen til tabysa alady. Ár úıdi kúndelikti aralaıdy. Turǵyndardyń jaǵdaıyn bilip turady. Qazir aýylymyzda buzaqylyq sap tyıyldy», - deıdi Taısoıǵan aýyldyq aqsaqaldar keńesiniń tóraǵas Túzenbaı Órbisinov.
Ýchaskelik ınspektor, polıtsııa kapıtany Ǵalamat Aldanbaev bul aýylda byltyrdan beri qyzmet atqarady.
Ol 2015 jyly Qyzylqoǵa aýdandyq jergilikti polıtsııa qyzmeti bólimshesine ýchaskelik polıtsııa ınspektorynyń kómekshisi retinde jumysqa qabyldanǵan.
Osy aýylǵa kelgenge deıin qyzmetin Tasshaǵyl aýylynda jalǵastyrǵan.
«Taısoıǵan aýylynda jaǵdaı turaqty. Qylmystyq oqıǵalar tirkelgen joq. Bul aýylda buryn sottalǵandar, polıtsııanyń profılaktıkalyq baqylaý esebinde turatyn adamdar joq. Aýyl turǵyndarymen keri baılanys ornatý maqsatynda WhatsApp jelisinde ashylǵan chat bar. Sol arqyly turǵyndarmen arqyly únemi baılanysta bolamyn. Aldaǵy ýaqytta quqyq buzýshylyq pen qylmysty boldyrmaý, aldyn alý úshin qyzmet ete beremin», - deıdi polıtsııa kapıtany Ǵ.Aldanbaev.
Aýyl turǵyndarynyń biri Shalqarbaı Іzbasarovtyń aıtýynsha, Taısoıǵan – áýelden yntymaǵy jarasyp, birligi bite qaınasqan, tynyshtyqty tý etken berekeli meken.
Sonyń nátıjesindde aýyl kúndizde de, túnde de tynysh.
«Memleket basshysy Qasym-Jomart Toqaev Joldaýynda «Polıtsııa – halyqqa jaqyn, ashyq bolýy kerek» dep qadap aıtty. Ásirese, ýchaskelik ınspektorlardyń mártebesin kóterýdi tapsyrdy. Osy oraıda Qyzylqoǵa aýdanynyń Taısoıǵan aýyldyq okrýgindegi ýchaskelik bekettiń jumysyn ózge aýdan men ákimshilik aýmaqtarǵa úlgi etýdi kózdep otyrmyz. Bizdiń maqsatymyz – halyqtyń polıtsııaǵa senimin arttyrý. Óıtkeni, polıtsııa qyzmetkerleriniń jumysyna baǵany halyq beredi», - deıdi Atyraý oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.