Atyraýdyń Oıyl ózeninde balyqtar qyrylyp jatyr
ATYRAÝ. QazAqparat - Atyraý oblysyndaǵy Oıyl ózeninde balyqtar jappaı qyrylǵan, dep habarlaıdy QazAqparat tilshisi.
Áleýmettik jelilerde Qyzylqoǵa aýdanyndaǵy Oıyl ózeniniń jaǵasynda qyrylǵan balyqtar beınelengen vıdeo taraǵan bolatyn. Bul faktini Atyraýda júrgen QR AShM Orman sharýashylyǵy jáne janýarlar dúnıesi komıteti tóraǵasy orynbasarynyń mindetin atqarýshy Narıman Júnisov rastady.
«Oıyl ózeninde balyqtardyń qyrylý oqıǵasyna baılanysty memlekettik organdardyń qatysýymen qurylǵan arnaıy komıssııa sý synamalaryn aldy. Bul jaǵdaıdy Jaıyqtaǵy oqıǵamen baılanystyrýǵa bolmaıdy. Bul teńiz ben Jaıyq ózeninen tym shalǵaı ornalasqan. Shamamen, balyqtardyń qyrylýy sýdaǵy aýanyń jetispeýimen baılanysty. Bul qaıtarymsyz bıologııalyq protsess, ol buryn da bolǵan. Ózen balyq aýlaý mańyzyna ıe emes jáne jaǵdaı Qazaqstan Respýblıkasynyń balyq resýrstaryna zııan keltirdi dep aıta almaımyz. Tótenshe jaǵdaıdyń saldary anyqtalady», - dedi Narıman Júnisov.
