Atyraýdyń ortalyǵynda astyrtyn oıynhana jumys istep kelgen

ATYRAÝ. QazAqparat - Atyraýdyń ortalyǵynda astyrtyn oıynhananyń qyzmeti toqtatyldy, dep habarlaıdy «QazAqparat» HAA tilshisi.

«Atyraý oblystyq memlekettik kirister departamenti Ekonomıkalyq tergeý qyzmetiniń mamandary Atyraý oblystyq prokýratýra organdarymen birlesip, Atyraý ortalyǵynda zańsyz jumys istep kelgen astyrtyn oıynhanany anyqtady. Ǵımaratty tekserý barysynda 4 dana poker ústeli, 4 jınaq «ZÝM» markili «Bıngo 37» elektrondyq rýletkasy, 35 dana fıshka, 15 dana júıelik blok, 13 dana teledıdar, 2 dana termoprınter, 2 dana qol skaneri, sondaı-aq 68 110 AQSh dollary men 18 mln 821 myń 980 teńge qarjy tabyldy», - dedi oblys prokýrory Ernat Sybanqulov.

Oıynhanany jabý faktisi Sotqa deıingi tergeýdiń biryńǵaı tiziliminde QR QK 307-baby 1-tarmaǵy «Zańsyz oıyn bıznesin uıymdastyrý» boıynsha tirkelip, prokýratýranyń baqylaýymen sotqa deıingi tergeý bastaldy.