Atyraýdyń oqýshylary jemqorlyqty áshkerelegen sýretter saldy
«Jastardyń áleýmettik jáne turaqty damý qory» QQ «Adal eńbektiń jarqyn beınesi» taqyrybynda jas sýretshilerdiń respýblıkalyq baıqaýyn ótkizdi. Oǵan Sybaılas jemqorlyqqa qarsy is-qımyl agenttigi qoldaý kórsetti. Bul konkýrs halyqaralyq sybaılas jemqorlyqqa qarsy kúres kúnine arnalǵan.
Baıqaýǵa elimizdiń ár óńirinen 7-9 synyp oqýshylary qatysqan. Al Atyraý oblysynan 60 jas sýretshi baq synaǵan. Onyń arasynan 10 úzdik sýretshi men 3 jeńimpaz anyqtaldy.
Birinshi oryndy Q.Sátpaev atyndaǵy orta mekteptiń oqýshysy Aıda Dińqaıyr ıelendi. Al, F.Dosymova jáne M.Bekmuhambetov atyndaǵy orta mektepterdiń oqýshylary Arýjan Bıbosyn men Juldyz Saǵynovanyń sýretteri ekinshi, úshinshi júldege ıe boldy.
Jeńimpazdarǵa planshet, sýretshige arnalǵan jıyntyq, smart saǵat tabystaldy.
Eske sala ketsek, budan buryn Atyraýda úıdiń qabyrǵasyna jemqorlyq taqyrybynda karta salynǵan bolatyn.