Atyraýdyń Qurmanǵazy aýdanyna baratyn jolaýshylar qashan qatynaıtyny belgili boldy
ATYRAÝ. QazAqparat – Atyraýdyń Qurmanǵazy aýdanyna qatynaıtyn jolaýshylar poıyzy kelesi aptada júredi, dep habarlaıdy QazAqparat.
Bul derekti oblystyq jolaýshylar kóligi jáne avtomobıl joldary basqarmasy rastady. «Atyraý qalasynan Qurmanǵazy aýdanyndaǵy D.Nurpeıisova temirjol beketine deıin qatynaıtyn jolaýshylar poıyzyn shyǵarý úshin ashyq konkýrs jarııalandy. Oǵan 5 kompanııa ótinim berdi. Ashyq konkýrs nátıjesinde «Otpan Logistic» kompanııasy jeńimpaz dep tanyldy. Jaqynda oblystyq jolaýshylar kóligi jáne avtomobıl joldary basqarmasy men «Otpan Logistic» arasynda kelisimshartqa qol qoıyldy. Osylaısha, Qurmanǵazy aýdanyna kólik qatynasyn uıymdastyrý baǵytyndaǵy qıyndyq eńseriledi», - dep habarlady basqarmadan.
Qazir jolaýshylar poıyzynyń júrý kestesi bekitilgen. «Atyraý stansasy-D.Nurpeıisova beketi» aralyǵynda qatynaıtyn poıyz quramynda bir platskart, eki jalpy vagon bolady. Poıyz Atyraýdan kúndizgi saǵat 12:00-de, D.Nurpeıisova temirjol beketinen keshki saǵat 19:42 qozǵalady. Alǵashqy poıyzdy kelesi aptada jolǵa shyǵarý kózdelip otyr.
Eske sala ketelik, budan buryn Atyraýda Qurmanǵazy aýdanyna poıyz shyǵarý úshin ashyq konkýrs jarııalanǵanyn jazǵan bolatynbyz.
