Atyraýdyń qala mańyndaǵy 6 aýyly sýsyz qaldy
ATYRAÝ. QazAqparat - Atyraý mańyndaǵy 6 aýyl sýsyz qaldy, dep habarlaıdy QazAqparat.
Qala mańyndaǵy Jańatalap, Tasqala, Hımık, Vodnıkov-1, Vodnıkov-2, Vodnıkov-3 aýyldarynda sý táýliktiń ekinshi jartysynda toqtaǵan.
«Sý beri jelisinde apat boldy. Bizdiń brıgadalarymyz qazir osy apattyń saldarymen kúresip jatyr. Bul baǵyttaǵy jumystar sý berilgenshe qaıta kúni-túni jalǵasady»,-dep habarlady «Atyraý sý arnasy» kásipornynyń baspasóz qyzmeti.
Aıta keteıik, bul qala mańyndaǵy aýyldarǵa sý jetkizetin jelide ekinshi márte bolyp jatqan iri avarııa. 19 jeltoqsan kúni sý birneshe aýylǵa birneshe táýlik boıy berilgen joq.
Osyǵan deıin habarlanǵanyndaı, sý jelisi ákimdiktiń tapsyrysymen 1 jyldan astam ýaqyttan buryn ǵana salynǵan. Merdigerdi ákimdik belgiledi. Sý jelisine ony salǵan kompanııa tarapynan kepildi qyzmet kórsetilýde. Alaıda olar apattyń sebep-saldaryn anyqtaı almaǵan soń, ákimdiktiń suranysy boıynsha bul ispen «Atyraý sý arnasy» MK aınalysýda.
