Atyraýdyń drama teatry men fılarmonııa basshylary alaıaqtyq faktisimen tergelip jatyr

NUR-SULTAN. QazAqparat - Atyraý oblysynyń mádenıet, arhıvter jáne qujattama basqarmasynyń laýazymdy tulǵalarynyń zańsyz áreketi áshkere boldy, dep habarlaıdy QazAqparat QR Sybaılas jemqorlyqqa qarsy is-qımyl Ulttyq bıýrosyna silteme jasap.

Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamenti qazir tergeý júrgizýde.

«Atyraý ákimdiginiń Mádenıet, arhıvter jáne qujattama basqarmasynyń basshysy, osy basqarmanyń býhgalterlik esep, eseptilik jáne qarjy-ekonomıkalyq qyzmet bóliminiń basshysy, sondaı-aq «Mahambet Ótemisuly atyndaǵy qazaq drama teatry» dırektory, «N.Jantórın atyndaǵy oblystyq fılarmonııasy» dırektoryna ústinen sotqa deıingi tergeý bastady. Tergeý paraqorlyq, asa iri kólemdegi bıýdjet qarajatyn jymqyrý, sondaı-aq alaıaqtyq faktileri boıynsha júrgizilýde», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qoǵammen baılanys departamentiniń dırektory Arman Berdalın elordada ótken brıfıngte.

Spıkerdiń málimdeýinshe, sot Býhgalterlik esep, eseptilik jáne qarjy-ekonomıkalyq qyzmet bóliminiń basshysyna qatysty «úıqamaqqa alý» túrindegi bultartpaý sharasyn sanktsııalady.

Tergeý jalǵasýda.