Atyraýdyń bir bóliginde turǵyndar 3 kún ystyq sýsyz otyrady
Atyraý oblysynyń energetıkalyq kesheni baspasóz qyzmetiniń málimetinshe, ystyq sý berý 3-5 shilde aralyǵynda ýaqytsha toqtatylady.
«Ystyq sý berýdi toqtatý kúrdeli jóndeý josparyna sáıkes jylý pýnktteriniń jabdyqtaryn tekserýmen baılanysty bolyp otyr. «Atyraý jylý júıeleri» AQ 2023 jylǵy 3-5 shilde aralyǵynda úsh jylý berý pýnkttinde jóndeý jáne tekserý júrgizedi», -dep habarlady energetıkalyq keshenniń baspasóz qyzmeti.
Belgili bolǵandaı, «Almagúl-2» ortalyq jylý pýnktinen «Almagúl» shaǵyn aýdanyndaǵy №17, 18, 19, 20, 21, 22, 23, 24-úılerge ystyq sý berilmeıdi.
Al, «Melıoratsııa» ortalyq jylý pýnktine qaraıtyn Q.Satpaev kóshesindegi 32, 32a, 34, 36, Seıfýllın 5v úılerge ystyq sý berý toqtatylady.
Sondaı-aq, bul kúnderi «Oblystyq aýrýhana» jylý pýnktine qarasty L.Vladımırskıı kóshesinde ornalasqan №100 úıdiń turǵyndary da ystyq sýsyz otyrady.
Eske sala ketelik, budan buryn Atyraýda 22 kóshedegi turǵyn úıler birneshe kúnge ystyq sýdan ajyratylatynyn habarlaǵan bolatynbyz.
Munaıly shahardyń 22 kóshesindegi turǵyn úılerge ystyq berý ýaqytsha toqtatylady. Turǵyndar 29 maýsymnan 1 shildege deıin ystyq sýsyz otyrdy.
Belgili bolǵandaı, ystyq sý berilmegen turǵyn úılerdiń sany – 122. Onyń ishinde kópqabatty jáne jeke ıeliktegi turǵyn úıler bar.
«Ystyq sý berýdi 26 maýsymda toqtatý josparlanǵan edi. Qurban aıt meıramynyń alǵashqy kúnindegi demalysqa baılanysty ystyq sýdy ýaqytsha toqtatý 29 maýsymǵa aýystyryldy», - dep málim etti keshenniń baspasóz qyzmetinen.
