Atyraýdyń bas kólik dárigeri poıyz brıgadırlerinen para alǵan
ASTANA. QazAqparat - Atyraý oblystyq sybaılas jemqorlyqqa qarsy is-qımyl ulttyq bıýro departamenti «Atyraý bólimdik kóliktegi qoǵamdyq densaýlyq saqtaý basqarmasy» RMK basshysy I.V. Shın birneshe ret para alǵany úshin tutqyndaldy.
Bul týraly «QazAqparat» HAA tilshisi Sybaılas jemqorlyqqa qarsy is-qımyl ulttyq bıýrosynyń baspasóz qyzmetine silteme jasap habarlaıdy.
Kúdikti jolaýshylar poıyzy brıgadırlerinen sanıtarlyq-epıdemıologııalyq normalardy buzǵany úshin ákimshilik jaýapqa tartpaýǵa jáne jalpy bolysýshylyq jasaǵanyna zańsyz aqshalaı syıaqy alý boıynsha qylmystyq syzba uıymdastyrǵan. 29 qyrkúıek kúni sottyń sanktsııasymen I.V. Shın qamaýǵa alyndy. Paranyń jalpy somasy 824 000 teńgeni quraıdy. Sotqa deıingi tergeý jumystary júrgizilip jatyr.
