Atyraýdyń bas alańyn jer qoınaýyn paıdalanýshylar qalpyna keltirmek
ATYRAÝ. QazAqparat - Atyraýdyń basty alańyn osy óńirde jer qoınaýyn paıdalanýmen aınalysyp jatqan kásiporyndar óz qarjylaryna qalpyna keltirip bermek, dep habarlaıdy QazAqparat.
«Oblys ortalyǵynda ornalasqan Mahambet Ótemisov pen Isataı Taımanov atyndaǵy ortalyq alańdaǵy aýqymdy jóndeý jumystary bıyl bastalmaq. Aldyn ala daıyndalǵan joba boıynsha, alańǵa jańa arhıtektýralyq kompozıtsııalar ornatylmaq. Birneshe sýburqaq salynyp, zamanǵa saı otyratyn oryndar paıda bolady. Basseıni jáne «án aıtatyn» sýburqaǵy bar mramordan salynǵan dombyra alańnyń basty kórki bolady»,-dep habarlady oblys ákimdiginiń baspasóz qyzmetindegiler.
Alańdy qaıta qalpyna keltirý jobasy jer qoınaýyn paıdalanýshylardyń áleýmettik tólemderiniń kómegimen júzege asyrylady.
