Atyraýdyń aýyl sharýashylyǵy salasynda 23 joba iske qosylady
ATYRAÝ. QazAqparat – Atyraýdyń aýyl sharýashylyǵy salasynda 23 joba iske qosylady, dep habarlaıdy QazAqparat.
Bul týraly oblys ákimi Mahambet Dosmuhambetov ótkizgen keńeste belgili boldy.
Oblystyq aýyl sharýashylyǵy basqarmasynyń basshysy Amangeldi Salamattyń málimetine súıensek, 2021-2025 jyldarǵa arnalǵan keshendi damý josparyna sáıkes, 23 jobany júzege asyrý josparlanǵan. Bıyl 6 jobany iske qosý kózdelgen.
«Atyraý qalasynda «Imanbaev», «Otbasy» sharýa qojalyqtarynyń jylyjaılary, «ATYRAÝ-ChIFTLIK» sharýa qojalyǵynyń jylyna 72 tonna et óndiretin mal bordaqylaý alańy iske qosyldy. Sondaı-aq, «Asyl Agro», «Jumaǵalıeva» sharýa qojalyqtarynyń jańbyrlatyp sýarý qondyrǵylary jumys isteıdi. Aldaǵy ýaqytta Mahambet aýdanyndaǵy «Jumaǵalıev» sharýa qojalyǵy jylyjaı kesheniniń qurylysy júrgizýde. Jylyoı aýdanynda sút óndirý tsehy, Atyraý qalasyndaǵy jylyna 235 tonna et óndiretin «Djýmagalıeva» jeke kásipkerligi men «Jan&Adil» JShS-niń mal bordaqylaý alańdary paıdalanýǵa berilmek» -deıdi Amangeldi Salamat.
Oblys ákimi Mahambet Dosmuhambetov sala basshylaryna baǵa turaqtylyǵyn baqylaýda ustap, shaǵyn jáne orta kásipkerlik sýbektileri óndiretin ónimderdiń kólemin arttyrýdy, aýyl sharýashylyq jáne kásipkerlik jobalaryn júzege asyrýdy jetildirip, jańa jumys oryndaryn qurýdy tapsyrdy. Sondaı-aq, azyq-túlik, jem-shóp, turǵyndar kúndelikti tutynatyn taýarlardyń baǵasyna turaqty monıtorıng júrgizýdi júktedi.
Eske sala ketelik, buǵan deıin Atyraý oblysynda 1,4 mlrd teńgeniń jylyjaıy salynyp jatqanyn jazǵan bolatynbyz.
