Atyraýdyń «Aq Jaıyq» rezervatyndaǵy órt 15 gektardy sharpydy
ATYRAÝ. QazAqparat - Atyraýda «Aq Jaıyq» memlekettik tabıǵı rezervatynyń aýmaǵynda shyqqan órtti sóndirýge tikushaqtar tartyldy, dep habarlaıdy QazAqparat tilshisi.
«Búgin tústen keıin rezervattaǵy órtti sóndirýge arnaıy tikushaqtar tartyldy. Olardyń bortyna 5-8 tonna sý sııady. Biraq, órtti sóndirýge kirispes buryn mamandar áýeden qamys janyp jatqan jaǵalaýdy qarap shyqty. Órttiń sharpyǵan aýmaǵy 15 gektarǵa deıin artqany anyqtaldy», - dep habarlady «Aq Jaıyq» MTR bas mamany Ǵanı Aǵybaev.
Eske salaıyq, rezervatta órttiń shyqqany týraly alǵashqy habarlama jeksenbi kúni saǵat 21:00-de túsken. Órtti sóndirýge 60 adam men 10-nan astam tehnıka atsalysyp jatyr. 
