Atyraýdyń «Aq Jaıyq» gazeti budan bylaı qaǵaz nusqada shyǵarylmaıdy
ATYRAÝ. QazAqparat - Atyraýdyń tanymal «Aq Jaıyq» gazeti 1 qańtardan bastap qaǵaz nusqada shyǵarylmaıdy, dep habarlaıdy QazAqparat tilshisi.
«Qurmetti oqyrmandar! 2018 jylǵa gazetke jazý júrgizilmeıtinin jáne qańtar aıynan bastap basylymnyń satylymǵa shyqpaıtynyn habarlaımyz! Budan bylaı gazetti elektrondy túrde azh.kz saıtynan jáne áleýmettik jelilerden oqı alasyzdar», - delingen basylym saıtynda jarııalanǵan habarlamada.
Eske sala keteıik, «Aq Jaıyq» gazeti óńirlik baspasózderdiń ishinde eń «qalyń» gazet sanalyp kelgen. Ol 240 betpen basylatyn edi. Basylym tırajy 25 myń danaǵa deıin jetetin. Atyraý oblysy respýblıka boıynsha adamdar eń az shoǵyrlanǵan oblys ekenin eskersek, buny jaqsy kórsetkish dep aıtýǵa bolady.
